Muzeu si vend komunikimi, rasti i MAN, një burim kulture dhe arti në shërbim të shoqërisë

HYRJE “Muzeu është një institucion i përhershëm, pa qëllim fitimi, në shërbim të shoqërisë dhe të zhvillimit të saj, që bën kërkime mbi dëshmitë materiale të njeriut dhe të ambjentit të tij, i merr, i ruan, i komunikon dhe mbi të gjitha i ekspozon për qëllime studimi, edukimi dhe kënaqësie” Neni 2 i statutit të Këshillit Ndërkombëtar të Muzeve (ICOM) Muzeu i Artit i Nuoros (MAN), e nis historinë e tij me 6 Shkurt të 1999, kur u inaugurua nga Administrata e Provincës dhe drejtimi i tij iu besua Dok.shës Cristiana Collu, që është ende sot. Lind me qëllimin që të jetë institucion i qytetit dhe për qytetin, me një projektim të madh drejt territorit bashkë me të cilin është shprehje, dëshmi dhe memorje. Nuk është vetëm një mbajtës statik i artit i të bijve të kësaj toke ose vetëm tregim i së kaluarës, por përfaqëson unazën e bashkimit të këtij të fundit dhe të tashmes, midis të tashmes dhe të ardhmes, duke propozuar dhe duke e projektuar qytetin e Nuoros në qarqet kombëtare dhe ndërkombëtare. MAN merr, koleksionon dhe i prezanton publikut të tij shprehjet më të mira të artit të gjetura, por mbi të gjitha ka për qëllim të hetojë dhe të rizgjojë pasurinë emocionale dhe intelektuale të vizitorëve. Qëllimi i kësaj pune është ai që të tregojë sesi ky muze i ri ka arritur në pak kohë, një pjesë të mirë të objektivave që i kishte vënë vetes nga fillimi i veprimtarisë së tij. 3